I tuara jamana o jamana la, i na sariyaw sòrò yen minw b'a to jamana denw bè to nyògòn fè bèn ni hèra la. O cogo kelen na, an ni Ala cè tèmèn siraw bè ye minw b'a to an bè se ka hèra sòrò Ala fè.
1.TÈMÈN SIRA FÒLÒ:
ALA BE I KANU ANI FEERE NYUMAN B'A FE I KA NYENAMAYA KO LA.
Ala ka kannya
"Nka Ala ye an kanu cogo min na, a ye o jira nin de fè, ka an jurumutò to, Krisita sara an ye." (Romèkaw 5:8)
Ala ka fèere
Yesu ko: "Ne kòni nana walisa ne ka sagaw ka nyènamaya sòrò, o ka caya u la ka ta'a fè." (Yuhana 10:10)
Nka mògò caman ma nyènamaya dòn ni nyagali ni h่ra ye kamasòrò....
2. TÈMÈN SIRA FILANAN:
ADAMADEN YE JURUMU KELA YE. O DE KOSON A TE SE KA ALA KA KANUYA NI A KA FEERE NYUMAN DON.
Adamaden ye jurumukèla ye.
"Faranfasi si tè mògòw bèe ye jurumu kè, u bèe dèsèra Ala nòorò la." (Romèkaw 3:23)
Ala ka senu.
Ala ko : "Aw ka kè senumaw ye, katuguni ne ka senu." (1 Pière 1:16)
Ala ye mògò da walisa a ka to jènyògònya nyman la ale fè. Nka mògò ye a sagonan sira nyènatòmò o la jènyògònya nyuman min tun bè ani a dabaa Ala cè o tinyèna. Bible bè o de wele ko jurumu. Jurumu bè bò nin de la (1) ni mògò bè muruti Ala ma (2) ni a mago tè Ala ko la (3) ni a ma se ka Ala ka dafalenya kun dama sòrò.
Adamaden ni Ala cè farala.
"Jurumu sara ye saya ye..." (Romèkaw 6:23)
Nin ja b'a jira an na ko Ala ka sènu, nka adamaden ye jurumukèla ye. Furancè jan bè u ni nyògon cè. Binyèw b'a jira, cogomin Adamaden b'a nyini ka gèrè Ala la a yèrè ka fèerèw fè: jogo nyumaya, Ala delili, Ala batoli ani kèwale nyumanw. Nka o si tè se k'a ni Ala cè jènyògònya tinyènen tugu. Bòda kelenpe min bè nin ko la, tèmèn sira sabanan b'o jira an na.
3. TÈMÈN SIRA SABANAN:
YESU KRISITA KELENPE DE YE ALA KA FEERE YE ADAMADEN KA JURUMU YAFA KO LA. ALE DE SARA AN KOSON. I BE SE KA ALA KA KANUYA N'A KA FEERE NYUMAN SIDON I KA NYENAMAYA LA ALE DE BARIKA LA.
A bange ko kèra kabako ye.
Yesu Krisita ma kè adamaden farisogoma den ye, nka a sòrò la Ni Senu barika la mpogotigi Mariyama fè. O de kòson Yesu Krisita bè wele Ala Denkè.
Mariyama y'a fò mèlèkè ye ko: "O na kè cogo di, kamasòrò ne ma cè si dòn fòlò?" Mèlèkè y'a jaabi ko: "Ni Senu bè na i kan, Ala Kòròtalenba ka sebaaya na biri i kun na. O de kosòn i bèna den senuma min bange, o na wele Ala Denkè" (Luka 1:34-35)
A sara an nò na.
Ala ye Ibrahima den kunmabò ni sagajigi kelen ye, tuma min na a tun bè n'a kè saraka ye. O cogo kelen na Ala ye dinyè kunmabò ni Ala ka sagaden ye, Yesu Krisita kòni o min sara an nò na walisa k'an ka jurumuw bò yen.
O dugusajè, Yuhana ye Yesu natò ye a ma, a ko: "Ala ka Sagaden min bè dinyè ka jurumu ta k'a bò yen, o file." (Yuhana 1:29)
"Krisita sara sinyè kelenpe jurumuw kosòn tilennen tòoròla tilenbaliw nò na, walisa a ka an lase Ala ma." (1 Pière 3:18)
A kunnuna ka bò suw cèma.
"Nin Yesu kòni, Ala y'a lakunun, an bèe ye o seerew ye." (Kèwalew 2:32)
Ala tun ye nin kow fò kiraw dala san caman sanni u ka kè (Esayi 53, Zaburuw 16,...)
Yesu Krisita kelenpe de ye Ala yère ka feèrè ye adamadenw ka jurumu ko la. O de kosòn a ye sira kelenpe ye k'an lasè Ala ma.
Yesu y'a jaabi ko: "Ne de ye sira ye, ani tinyè, ani nyènamaya. Mògò si tè na ne Fa ma, ni a ma tèmèn ne fè." (Yuhana 14:6)
"Kamasòrò Ala ye dinyè kanu haali, fò a ye a Denkè kelenpe di, walisa mògò o mògò dara a Denkè la, o kana halaki, nka o ka nyènamaya banbali sòrò." (Yuhana 3:16)
Jènyogònya min tun tinyèna an ni Ala cè, Ala yèrè ye o tugu. A ye Yesu Krisita, Ala ka Sagaden ci ka na sa gengen jiri kan an nò na. A ye an ka jurumuw juru sara.
Nka nin tèmèn sira saba dònni t'a bò....
4. TÈMÈN SIRA NAANINAN:
AN KA KAN KA SON YESU KRISTA MA I KO AN KISIBAA NI AN MATIGI. N'O KERA AN BE KA ALA KA KANNUYA NI A KA FEERE NYUMAN SIDON AN KA NYENAMAYA KO LA.
An ka kan ka sòn Yesu Krista ma.
"O bèe n'a ta, minw sònna a ma ka da a la, a ye fanga di olu bèe ma ka kè Ala denw ye." (Yuhana 1:12)
An bè son Yesu Krista ma dannaya fè.
"Aw kisilen bè nèema de barika la dannaya fè, o ma bò aw yèrèw la dè, Ala ka nili fèn don. O tè kèwalew nò ye, walisa mògò si kana a yèrè bonya." (Efesekew 2:8-9)
Ka son Yesu ma o ye bange ko kura ye Ala ka gwa kònò. (Yuhana 3:1-8)
An ka kan ka Yesu wele ka don an ka nyènamaya la.
Yesu ko: "Ne jòlen filè da la ka da kònkòn. Ni mògò dò ye ne ken mèn ka da yèlè ne ye, ne na don o yòrò ka dumuni kè o fè, a na dumuni kè ne fè." (Jirali 3:20)
Ka sòn Yesu Krisita ka kalanw ma o dama t'a bò. Ka son Yesu ma o kòrò: ka ban an yèrèw sago ma ka Ala sago kè (ka nimisi), an b'an jigi da Yesu kan ko a bèna an ka nyènamaya la ani k'an ka jurumuw yafa an ma; an bè son Yesu k'an kè a yèrè sagona mògò ye.
Nin ja fila bè nyènamayá sifa fila ko jira.
| 1.Yesu tè nyènamaya min na. Yesu bè nin nyènanaya kò kan. Nin tigi yèrè y'a ka ko bèe kuntigi ye. A ma feèrè si sòrò a ka jurumuw yafali ko la. A dusu bè to k'a jalaki, hèra t'a dusu la. |  |
2.Yesu bè nyènamaya min kònò. Yesu Krista ye nin tigi ka kow bèe kuntigi ye. Yesu ye a nyèminèbaa ye ko bèe la. Hèra bè nin tigi ni Ala cè kamasòrò a sònna a ma ko Yesu sara a ka jurumuw kosòn. |
E ka nyènamaya bòlen bè nin fila la jumèn fè?
I b'a fè I ka nyènamaya k'a kè u la jumèn kelen ye?
I bè se ka sòn Yesu ma cogo min na. O bè na jira I la.
I bè se ka sòn Yesu ma sisan yèrè dannaya fè.
Yesu wele, ka don i ka nyènamaya la deili fè. Delili, o ye ka kuma Ala fè. Ala bè I kònònna ko bèe don. Ka da o kan, a faamu, ko i da la kuma tè ko ba ye Ala fè. Ala bè min filè o ye i dusu kun cogo ye.
I bè se ka deili kè nin cogo la:
"Matigi Yesu, ne mago bè i la. Ne bè barika da i ye i saya kosòn gwègwè jiri kan ka ne ka jurumaw yafa. Ne bè ne dusukun dayèlè i ye ani ne bè sòn i ma, kè ne Kisibaa ni ne Matigi ye. Ne bè barika da i ye ne ka jurumaw yafali kosòn ani nyènamaya banbali kosòn i ye o min di ne ma. Ne ka nyènamaya nyèminè. I b'a fè ne ka kè mògò min ye i ka ne kè o ye. Amina."
Nin delili bè bèn i kònònna ko ma wa?
Ni o do, sègin nin delili kan, Yesu bè na don i ka nyènamaya la i ko a y'o lahidu ta cogo min na.
I bè se k'a dòn cogo min ko Yesu Krisita bè i ka nyènamaya la? I ye Yesu wele ka don i ka nyènamaya la wa ? Ka kenyè ni a ka lahidu ye Jirali 3:20 na Yesu bè min sisan ? Yesu Krisita y'a fò ko a na don i ka nyènamaya la. Yala a bè son ka i nègè wa ? Sababu jumèn b'a to i b'a dòn ko Ala y'i ka delili jaabi? (Ala ka kantigiya ani a ka kuma).
Bible bè nyènamaya banbali lahidu ta mògòw ye minw bèe bè sòn Yesu ma.
"O seereya filè nin ye, ko Ala ye nyènamaya banbali di an ma, o nyènamaya bè sòrò a Denkè la. O Denkè bè min fè, nyènamaya bè o fè. Ala Denkè tè min fè, nyènamaya tè o fè fewu. Aw minw dara Ala Denkè tògo la, ne bè nin kow sèbèn ka ci aw ma, walisa aw k'a dòn ko nyènamaya banbali bè aw fè." (1 Yuhana 5:11-13)
Ka kènyè ni nin lahidu ye i bè se ka dòn ko Yesu Krista bè i ka nyènamaya la ani ko nyènamaya banbali bè i fè tuma min yèrè la i y'a wele ka don i ka nyènamaya la. A tèna i nègèn fewu. I ka to ka barika da Ala ye kamasòrò Yesu Krisita bè i ka nyènamaya la ani ko nyènamaya banbali bè i fè.
I hakili ka to nin na kosèbè...
I kana i sinsin i dusukun cogo kan.
Ala ka kuma (Bible) o de ye dannabaa nyèminèbaa ye a yèrè dusukun cogo wala a ka miiriliw t'a nyèminè tun. Dannabaa bè nyènamaya dannaya de barika la o ye jigi dali ye Ala ka kantigiya ni a ka kuma kan. Bi, i bè se ka kè hèra la. Sini i bè se ka kè dusukasi la. Dusukun tè to cogo kelen na. Don bè n'a ta do. O de kosòn i kana i sinsin i dusukun cogo kan walisa k'a jèya a la ko Yesu Krisita bè i ka nyènamaya la.
Ala yèrè y'a fò ko: "Ne tèna i to yen fewu, ne tèna i bila abada." (Heburuw 13:5)
Komi i b'a dòn ko Ala tè i nègen, o de kosòn don ka di o don ka go o, i bè se ka barika da a ye kamasòrò a bè i ka nyènamaya la. Ni i bè barika da Ala ye o b'a jira ko i dalen bè a ka lahiduw la.
Mun kèra i ye i sonnen kò Yesu Krisita ma ?
Kabini i sònna Yesu Krisita ma i dusukun na dannaya fè, fèn caman kèra i ye i n'a fò:
- Yesu Krisita nana i ka nyènamaya la. (Jirali 3:20; Kolosekaw 1:27)
- I ka jurumuw bèe yafara i ma. (Kolosekaw 1:14)
- I kèra Ala den ye. (Yuhana 1:12)
- I ye nyènamaya banbali sòrò. (Yuhana 5:24)
- I ye nyènamaya kura daminè. Ala ka feèrè nyuman ye min ye i ka nyènamaya ko la i na o don. (Yuhana 10:10; 2 Kòrèntekaw 5:17; 1 Tesalonikekaw 5:18)
Yala, ko duman wère bè ye min ka fisa ni ka sòn Yesu ma ye wa ?
I bè sòn ka barika da Ala ye sisan a ka ko nyuman kèlew kosòn i ye wa? Ka barika da Ala ye o bè i ka dannaya jira.
Dannabaa ka nyèfè taali kè cogo dòw:
Dannabaa ka nyèfè taali bè bò a jigi bèe dali la Yesu Krisita kan. "...mògò tilennen na nyènamaya dannaya de barika la." (Heburuw 10:38). Dannaya de b'a to i bè se kti jigi da Ala kan i ka nyènamaya ko bèe la ani ka nin kow kè:
- Ala deli don o don. (Yuhana 15:7)
- Ala ka kuma kalan don o don. (Kèwalew 17:11) -- I ka Ala kuma kalanni daminè Yuhana kitabu la.
- Ala kanminè tuma bèe. (Yuhana 14:21)
- Yesu Krisita ko fò mògò wèrèw ye i ka nyènamaya ani i dala kumaw fè. (Matiyu 4:19; Yuhana 15:8)
- I jigi da Ala kan i ka nyènamaya ko kètaw bèe la. (1 Pière 5:7)
- A to Ni Senu ka i nyèminè don o don ani ka barika don i ka nyènamaya n'i ka seereya la. (Galasikaw 5:16-17 Kèwalew 1:8)
Dannabaaw ni nyògòn cè jènyògònya nafan:
Dògò kurun caman bè mana kosèbè nyògòn fè tasumala. Nka n'i bè kelen bò ka bila a danna, a tasuma bè sa. I ni dannabaa tow cè jènyògònya fana bè ten. A ka fisa i ma ka jè mògò wèrèw fè minw sònna Yesu Krisita ma i ko u Kisibaa ni u Matigi. I ka kan ka to ka lajè eglise dò mògòw fè minw bè da a la ko Bible ye tinyè ye ani u bè Yesu Krisita bato. A daminè nin dògòkun yèrè la.
"An kana nyògòn lajèli dabila i ko dòw b'a kè cogo min na, nka an ka nyògòn laadi, janko aw b'a ye ko Matigi ka don surunyara." (Heburuw 10:25)