Einwot an wor kien ko jej lori ilo lol in, ebar wor kien ko an Jetob, ko rej kien non kotan eo ad iben Anij.

Anij ej yokwe yuk, im eor juon an karok elukkun emon non mour eo am.

(Konono aoleb eon ko rej walok ilo booklet in jen Bible ilo ien kwoi kojerbale.)

"Bwe kin an Anij yokwe lol, Ear letok eo nejin emake wot, bwe jabdrewot eo ej like E, en jab jako, a en mour indreio." (John 3:16)

(Christ ej konono) "Iar itok bwe ren bok mour, im bwe ren obrak kake." (Im bwe aer obrak en lab tokjen) (John10:10)

Armij ear jerawiwi im jebellok jen Anij, kin menin ejab maron jela im kile yokwe im karok eo an Anij non mour eo an.

"Bwe otemjej rar jerawiwi im likjab jen aibuijuij an Anij." (Rom 3:23)

Ar komonmon armij bwe en karejar iben Anij, ak, kin an jajelokijen ear make kelet ijo ej ilok ie lok, im karejar eo an iben Anij ear rub. Kelet in ej make kwalok an konan jumae ak jebellok, ej alikar einwot an Bible na etan, jerawiwi.

"Bwe wonan jerawiwi mij." (Jebellok ilo jetob jen Anij.) (Rom 6: 23)

Anij ekwojariar im armij dri jerawiwi. Eor juon kota kilebleb ej kijbel men kein ruo. Armij ej kajeon kottobar Anij im mour in dreio ilo an make kate ilo mour emon, tol, jela kin manit an armij ak men ko jet.

  Jesus Christ ej make wot menin letok an Anij kin jerawiwi an armij. Kin E inem komeron jela im kile yokwe im karok eo an Anij non mour eo am. 

"A Anij ej kawlok kadkadin an yokwe non kij, ilo men in ke jar dri jerawiwi, Christ ear mij kin kij." (Rom 5:8)

"Christ ear mij kin jerawiwi ko ad....Ear bed ilo lob.... Ear jerkakbije ilo ran eo kein kajilu ekkar non jeje ko.... Ear walok non Peter, non dri kalor ro jonoul ruo. Elikin Ear walok non limabuki jima armij. . ." (1 Kor. 15:3-6)

"Jesus ej ba none, Na ial, im mol, im mour; ejelok armij ej itok non Jema, elane jaab kin lo." (John 14:6)

Emwij an Anij kobaik kotan in ear kijbel kij jen E ke Ear jilkin tok Nejin, Jesus Christ bwe En mij ion drebail kin kij.

  Kij kajojo jeaikuij bok Jesus bwe En ad Iroij im dri lomor;
Inem jenaj maron jela im kile yokwe im karok eo an Anij non mour ko ad. 

"A ro otemjej rar bok E, Ear lelok non ir bwe ren erom nejin Anij, im bareinwot ro rej liki Etan." (John 1:12)

"Bwe kin jouij emwij lomoren kom kin tomak; im ejab kin kom make, a ej menin letok an Anij; Jab kin tokjen jerbal ko; ko ejelok en komjaje kaki." (Ephesians 2:8,9)

(Christ ej konono) "lo, lj jutak ilikin aur im kollallal, im jabdewot eo ej ron ainikio im kobellok, lnaj drelon non iben." (Rev. 3:20)

Ad bok Christ ej komon bwe jen oktaklok non Anij, liki bwe Christ enaj itok im jeorlok ad jerawiwi im ukot kij non einwot Ej konan. Ejab bwe wot ad jela im rejetake ilo men kein.

Dolul kein ruo rej jutak kin ruo kain mour:

MAKE BOK EDDON AD MOUR	MOUR EO CHRIST EJ EDDON

Dolul et eo ej jutak kin maur eo am?
Dolul et eo kokonan bwe en kar jutak kin mour eo am?

Ijin ilol ej kwalok ekijkan am maron bok Christ.

Anij ejela kin buruom im ejab watok ta ko kwoj ba, einwot an jela kin men ko rej walok jen buruom. Ijin ilol ej juon jar in kajitok:

"Iroij Jesus, ij aikuiji yuk. Ij kobellok buruo bwe in bok yuk bwe kwon ao Iroij im Dri Lomor. Kommol kin Am jolok ao jerawiwi. Bok eddo n tron in mour eo ao. Komon bwe in einwot Kwoj konan."

Jar in ekwaIok ke kalet eo an buruom?

Elane aet, jar kin jar in, im Christ enaj itok non mour eo am, einwot Ear kalimur.

Ebed ke Christ ilo mour eo am elikin am kar jar? Ekkar non kalimur eo An ilo Buk in Rev. 3:20, ebed ia Christ kio ilo am lomnak? Christ make ar ba enaj itok non ibam. En kojbwabweik ke yuk? Ilo kajur et kwoj jela bwe Anij ej uak jar eo am? (Kin tomak - Anij im nan ko An.)

"Im enin kalimur eo, bwe Anij ear letok non kij mour in dreio, im mour in ej ilo Nejin. Eo Nejin iben, mour ej iben; eo Nejin Anij ejab iben, mour ejab iben. Iar jei men kein non kom bwe komin jela bwe mour in dreio ej ibami, aet, ne komij tomak ilo etan Ne-jin Anij." (I John 5:11-13)

Kamolol Anij bwe Christ ebed ilo mour eo am im ejamin ilok jen kwe. (Hebrews 13:5) Kwon jela bwe Christ ebed ibam ilo wot mi-nit eo kwoj bok non mour eo am, einwot ke Ear ba ejjamin ellok jen yuk.

Ak lomnak ko ad eowi weweir?

kalimur ko an Anij ilo nan ko An, jaab kin jela im enjake ko ad, ej ad kojatdikdik. Dri christian rej mour kin tomak (liki) im ko jatdikdik kin Anij im nan ko An. Bija'n wa (train) in ilol ej kali-kar kotan MOL (Anij im nan ko An), TOMAK (ad liki Anij im nan ko An) im JELA ak ENJAKE (tobrak eo jen ad tomak im bokake). John 14:21

Wa {train) in ej naj ettor wot mene ebed ak jako wan passenger eo. Botab ejamin bidodo non am kajeon aike train eo kin wan pas-senger eo. Eindrein, kij, dri - christian jen jab dror ad kojatdikdik wot kin jela ak enjake ko ad, ak jen dror ad tomak (liki) im kojatdikdik ilo Anij im kalimur ko ilo nan ko An.

llo minit eo wot kwoj bok Christ kin tomak, elon men renaj walok, einwot men kein ilol:

1. Christ ej itok non mour eo am. (Rev. 3:20 - im Colosians1:27)
2. Emwij jeorlok jerawiwi ko am (Colosians 1:14)
3. Emwij am erom juon nejin Anij. (John 1:12)
4. Emwij am jino bok mour eo ekal im Anij ar komonmon yuk none. (John 10:10, im II Corinthians 5:17 kab I Thessalonians 5:18)

Komeron ke kwalok juon men elablok an emon non mour eo am jen bok Christ? Kwoj konan ke kamolol Anij kin jabdewot men Ear komoni non yuk? Kamolol Anij ej kwalok kadkadin tomak.

Ta kio?

Eddoklok ilo Jetob ej walok jen tomak ilo Jesus Christ. "Dri kwo-jarjar enaj mour kin tomak." (Galatians 3:11 ) Mour in tomak enaj komon bwe en lab lok am liki Anij ilo aoleben mour eo am, im non am komoni men kein ilol:

G	llok non Anij kin jar ran otemjej. (John 15:7)
R	Konono nan ko an Anij ran otemjej. (Jerbal 17:11 )
O	Bokake Anij, jen ien non ien. (John 14:21)
W	Dri kamol an Christ kin mour im nan ko am. (Matthew 4:19, John 15:8)
T	Liki Anij kin aoleben mour eo am. (I Peter 5:7)
H	Jetob Kwojarjar - A kom naj bok maron ne emwij an  Jetob Kwojarjar itok iomi, im kom naj ao dri - kennan. (Galatians 5:16, 17; Jerbal 1:8)

llo Hebrew 10:25, ej kakkol kij bwe jen jab jolok ad kwelok im jar einwot manit an jet. Juon kijek emon an urur elane kane ko rej koba iben dron. Komakeik lok juon iaer, inem enaj kun. Eindrein jukjuk im bed eo am iben dri christian ro jet. Elane ejelok imon jar en kwoj bed ie, jab kottar aer bok yuk none. Ilok non imon jar eo ebak im rej kwalok kin Christ im nan ko An. Jino ilo week in. im en emakijkij am ilok.

Kwoj konan ke leto letak menin emwij am jela kake?

Elane booklet in ear jiban yuk kin elon melele ko remon, jouij im lelok ak konono kake non bar jet. Im elane booklet in eo ear tel yuk non am jela Christ, eokwe ebar wor buk ko jet non katak Bible ak eddoklok ilo mour in christian, Komeron biki men kein jen:

Campus Crusade for Christ, Inc.
Office:
ACPO Box 51
QUEZON CITY, 3001
Philippines Bill Bright, President

Konan eo an Campus Crusade for Christ bwe booklet in en ajeded jonon wot an maron. Booklet in ar komon bwe jabewot armij ak drolul en kojer-bale. lm ijin ilol ej non am kojerbale.

Name
Address:
Date
Tel:

Non kolberok bwe melele ko ren jab oktak, ejab meron bar komon booklet in elane ejelok melim jen Campus Crusade for Christ International.

ADDITIONAL ASSISTANCE If you've just asked Jesus Christ into your life, please click here and tell us about it. We would love to hear from you and help you grow in your faith. If you still have a question, please click here.