Kaka nitie chike maoko mineno marito weche mag piny, ekaka nitie bende chike mag chuny mochung' ni winjruok man e kindi kod Nyasaye.
1. CHIK MOKWONGO
Nyasaye oheri kendo en gi chanro miwuoro kuom ngima mari.
HERA MAR NYASAYE
"Nikech Nyasaye nohero piny ahinya, omiyo nochiwo Wuode ma miderma, mondo ng'a ma oyie kuome kik lal, to obed gi ngima mochwere." (Johana 3:16)
CHANRO MAR NYASAYE
(Kristo owacho) "An nabiro mondo gibed gi ngima, kendo gibed godo moloyo." (Johana 10:10).
Ere gimomiyo ji mang'eny ok nigi ngima mogundho?
2. CHIK MAR ARIYO
Dhano opong' gi richo kendo opogore gi Nyasaye kuom mano ok onyal ng'eyo kata neno hera gi chanro mar Nyasaye kuom ngimane.
DHAND OPONG' GI RICHO
"Nimar ji duto oseketho, kendo girem kuom duong' mar Nyasaye." (Jorumi 3:23)
Dhano nochwe mondo obed gi lalruok kod Nyasaye; to nikech tamruok mare kod dwarone owuon, noyiero woutho e yorene owuon mi lalruokne gi Nyasaye ne okethore. To dwarone owuon ka luwore gi kit tim ng'anjo kata pogruok maling' ling', e adiera mar gima Muma Maler luongo ni richo.
DHANO OSEWEYO LALRUOK KOD NYASAYE
"Nikech misach richo en tho" (Pogruok marchuny kod Nyasaye). (Jorumi 6:23)
Nyasaye en Ler to dhano en jaricho. Nitie bugo maduong' mopogo kind dhano kod Nyasaye. Kinde ka kinde dhano temo mondo ochop ir Nyasaye kod ngimano mogundho kuom nyalone owuon: ngima maber, pogo maber kod marach, rieko mamalo, kod moko ma kamago; to temo magi duto ni nono.
Chik mar adek chiwonwa ducko kuom masirani...
3. CHIK MAR ADEK
Yesu Kristo e chiwo ma kende mar Nyasaye kuom richo mar dhano. Kuome, inyalo ng'eyo kendo neno hera gi chanro mar Nyasaye kuom ngimani.
NOTHO KARWA
"To Nyasaye onyisowa hera moherowago kama, ni Kristo nothonwa, ka ne pod wan joricho." (Jorumi 5:8)
NOCHIER A KUOM JO MOTHO
"Bang' thone nowuoknigi kongima gi nyisruok mathoth ma ok nyal kwer, konenorenigi kuom ndalo piero ang'wen, kendo kowuoyonigi kuom pinyruodh Nyasaye." (Tich Joote 1:3)
EN E YO MA KENDE
"Yesu nowachone ni, An e yo, kendo an e adiera, kendo an e ngima; ng'ato ok bi ka Wuora ma ok okadho kuoma." (Johana 14:6)
Nyasaye oseketo olalo e bugo maduong' mopogowa kode kooro Wuode Yesu Kristo mondo otho karwa e msalaba.
Ng'eyo chike adekgi ok oromo....
4. CHIK MAR ANG'WEN
Nyaka ng'ato ka ng'ato orwak Yesu Kristo kaka jawar kendo ruoth: eka wanyalo ng'eyo kendo neno hera gi chanro mar Nyasaye kuom ngimawa.
NYAKA WARWAK KRISTO
"To giduto ma norwake, nomiyogi teko mondo gibed nyithind Nyasaye, e jogo ma yie kuom nyinge." (Johana 1:12)
NYAKA WARWAK KRISTO KUOM YIE
"Nimar oresou gi ng'uono kuom yie. To un ok e ma umiyo mano otimore; en mich Nyasaye. Ok oa kuom tim ma dhano timo, mondo kik ng'ato opakre." (Jo Efeso 2:8,9)
NYAKA WARWAK KRISTO WAWEGI
"Ne! Achung' e dho ot kendo adwong'o. Ka ng'ato owinjo duonda, mi oyawo dho ot, anadonj ire, kendo anachiem kode, to en bende nochiem koda." (Fweny 3:20).
Rwako Kristo en dhi ir Nyasaye ka waweyo ngimawa wawegi, kendo ka wageno ni Kristo biro donjo e ngimawa mondo owenwa richowa kendo otimwa gima doher mondo wabedi. Ok en gi ma oromo ka ng'ato lokore gi rieko mag dhano kuom buchene kata bedo gi paro mag tim owruok.
Alotura ariyogi nyiso yore ariyo mag ngima:
|
NGIMA MAN E BWO LOCH MAR KRISTO. |
Aloura mane mowinjore gi ngimani?
Aluora mane ma diher mondo owinjre gi ngimani?
Weche maluwoegi nyiso kaka inyalo rwako Yesu:
KORO INYALO RWAKO KRISTO KUOM LAMO MAR HULO YIE
(Lamo en wuoyo kod Nyasaye)
Nyasaye ong'eyo chunyi omiyo ok en gi wach kod wecheni; odwaroparo mar chunyi moloyo.Ranyisi mar lamo mowinjore e ma:
"Ruoth Yesu, afwenyo ni asekonyora gi ngimana awuon kendo aseketho marach e nyimi. Ayawo dho ot chunya kendo ayie rwaki kaka Jawarna kendo Ruodha. Kaw kom loch mar ngimana. Losa mondo abed jalo ma didwar mondo abedi."
Bende lamoni wuoyo kuom dwaro mar chunyi? Ka en kamano, to lam lamoni e sani, kendo Kristo biro donjo e chunyi kaka nosingore.
YOR FWENYO NI KRISTO OSEDONJO E NGIMANI
Iseruako Kristo e ngimani? Kaka singruokne obet e Fweny 3:20, ere Kristo koro kaluwore kod ngimani? Kristo nowacho ni onyalo donjo e ngimani. lparo ni onyalo witi? Ere kaka ing'eyo ni Nyasaye oseduoko lemoni? (Genruok mar Nyasaye owuon gi Wachne)
MUMA MALER OSINGO NGIMA MOCHWERE NI JI DUTO MORWAKO KRISTO....
"Nyasaye nomiyowa ngima ma nyaka chieng', kendo ngimano ni e i Wuode. Ng'a man gi Wuowi en gi ngima, to ng'a ma ok ni gi Wuod Nyasaye ok en gi ngima. Wechegi asendikonu un muyie kuom nying.Wuod Nyasaye, ni mondo ung'e ni un gi ngima ma nyaka chieng." (1 Johana 5:11-13)
Go ni Nyasaye erokamano pile kuom Kristo bedo e i ngimani kendo ni nikech ok nojwang'i ngang.' (Johibrania 13:5)
Inyalo fwenyo ni Kristo mangima odak e iyi kendo ni in gi ngima ma nyaka cheing' kochakore e thuolo mirwake e iyi ka luwore gi singruok mare.
WECHE KUOM DONGO MAR JAKRISTO
Dongruok kuom weche mag chuny biro ni kech geno Yesu Kristo. "Ngat moket kare kuom yie, nobed mangima." (Jo Galatia 3:11) Ngima mar yie nomiyi geno momedore kuom Nyasaye kuom gimoro ka gimoro e ngimani, kendo miyi timo magi:
- Sud ir Nyasaye e yor lamo pile (Johanna 15:7)
- Som Wech Nyasaye pile (Tich Joote 17:11) Chak gi Injili mar Johana.
- Winj chik Nyasaye kinde ka kinde. (Johana 14:21)
- Tim nend Kristo gi timbeni kod wecheni (Mathayo 4:19; Johana 15:8)
- Gen kuom Nyasaye kuom gik moko duto mag ngimani (1 Petro 5:7)
- Roho Maler - yiene mondo oloyi kendo omiyi teko e ngima mapile kendo kuom timo neno. (Jo Galatia 5:16,17; Tich Joote 1:8)
Inyalo paroe gimoro amora ma nyalo timoreni miwuoro moloyo rwako Kristo? Diher goyo ni Nyasaye erokamano e thuoloni kuom gino mosetimoni?
Yorno mar goyo ni Nyasaye erokamono nyiso wach yie man e iyi.