Zoxe porim soimbache kaide asatj je soimbik samball-tat, tech porim atmik kaide asat je Deva ani tujea mo-dem siorigot samballtat.


POILO KAIDO

DEV TUZO MOG KORTA, ANI TUJEA JIVITAK DEVA-CHI SOBIT EUZONN ASA.

Godtha zalear hea pustokantle avesornai verse povitr Pustokantle vanchunk favo.

DEVACHO MOG
"Devan sonvsaracho itlo mog kelo ki Tannem Aplea ekleach Putak vopun dilo, Tacher visvas thevtat team soglleancho nas zainam zauncheak, punn tankam sasnnachem jivit mellcheak." (Juanv 3:16)

DEVACHI EUZONN
(Krist mhonnta) "Hanv ailam to tankam jivit melloun diunk ani tem tankam subhamponnan melloun diunk ailam." (Jea vorvim tem jivit sompurnn ani orth aslelem zaunk) (Juanv 10:10)

Choddxea lokak subham jivitacho onnubhov kiteak nam?


DUSRO KAIDO

MONIS PATKI ZAUN ASA ANI DEVASORXILO KODDSORLOLO ASA, ANI HEACH KHATIR DEVACHEA MOGACHI OLLOKH ANI APLEA JIVITANT DEVACHI EUZONN KITEM, HANCHO TAKA ONNUBHOV VO SOMZONNI MELLONAM.

MONIS PATKI
"Khorench soglle patki zaleat ani tankam Devachem onondbhorit dorxon ontorlam." (Romkarank 3:23)

Devachea ektarant ranvche khatiruch Devan monxeak rochlo, punn gorvan ani ap-khoxen to apleak zai te porim cholunk laglo, ani he porim Deva ani tache modem aslolo ektar tuttlo. Hi ap-khoxi, jiche ogunn akromonn ani kanbhere zaun asat, tika Povitr Postuh patok mhonn pacharta.

MONIS DOXIN ZALO
"Patok dita to muxaro moron." (mhonnge Deva ani monxea modem atmik futt) (Romkarank 6:23)

kon1

Dev povitr ani monis patki. Tanche modem ek bhov rund khonn asa; Boreo kornneo, dhorm, xan-neponn, zanvai, adi, osle aple upai vapddun monis aplech ostongim Devathaim ani sompurnn jivitak pavunk tambonastanna vavurta.

Hea proxnna-voir Tisro Kaido ekuch zabab dita...


TISRO KAIDO

MONXEACHEAM PATKAM KHATIR FOKOT JEZU KRIST DEVACHI EKUCH BHET ZAUN ASA. TACHE VORVIM DEVACHEA MOGA-VIXIM ANI TUJEA JIVITANT DEVA-CHE EUZONNE VIXIM TUJEAN SOMZONNI ANI ONNUBHOV GHEUNK ZATA.

AMCHE BOLDEK TO MELO
"Amche sorim Apnnak asa to mog Devan dakhoilo, tor ami patki asleanv tednam pasun, Krist amche pasot melo." (Romkarank 5:8)

TO MELELEANTLO JIVONT ZALO
"Krist amcheam patkam pasun melo...Taka nikhipilo, Povitr Pustokam pormonnem tisrea disa To jivont zalo....Kefasak ani uprant barank to dixtti poddlo. Tea uprant, ekach farak, painxim odik bhavank dixtti Poddlo..." ( 1 Kor. 15:3-6)

TO EKUCH VATT ZAUN ASA
"Jezun taka zap dili, 'Vatt, Sot, ani Jivit Hanvanch kon-nunch Bapa-Xim vochonam bogor Mhoje voraim.'" (Juanv 14:6)

kon2

"Amche boldek Aple Putak, Jezu Kristak, khursar morunk diun Devan Aple ani amche modem aslolo vegllozar som poun porot ektar ghoddlo."

He tin kaide fokot zanna zalear puro mhoi....


CHOUTO KAIDO

AMI ZONN-EKLEAN JEZU KRISTAK APLO SODDVONNAR ANI DHONI MHONN MANUN GHEUNK ZAI. TEDNANCH AMCHEAN DEVACHEA MOGA-VIXIM ANI AMCHEA JIVITANT DEVACHE EUZONNE-VIXIM SOMZONNI ANI ONNUBHOV GHEUNK ZATA.

AMI KRISTAK MANUN GHEUNK ZAI
"Punn Apnnak manun ghetleleam somestank, Aplea nanvacher visvas thevteleank, Devachim bhurgim zaunk Tannem podvi dili." (Juanv 1:12)

AMI JEZU KRISTAK BHAVARTA-UDEXIM MANUN GHETANV
"Denneak lagun bhavarta udexim tumkam soddvonn mell'li, ani tumche osttongim nhoi punn Devache funkott kurpek lagun. Hea kamant ami mijas korum noie, kiteak amchi soddvonn amcheam kornniam vorvim upzonam" (Efezkarank 2:8,9)

AMI KRISTAK MANUN GHETOCH AMKAM NOVEA ZOLMANCHO ONNUBHOV MELLTA. (Juanv 3:1-8 vach)

KHAS AMI KRISTAK APOUN-UNCH TAKA MANUN GHETANV
(Krist mhonnta): "Ho polle Hanv darachea umbrear asam ani darar martam; Mhozo tallo aikun konn Mhaka dar ugttem korit tachea ghorant Hanv bhitor sortolom." (Prokasnni 3:20)
Kristak manun ghetolo zalear apleakuch fatt korunk zai ani Devak fuddo korunk zai (mhonge dukh dhorunk zai) ani Krist amchea jivitant ietolo amchim patkam bogxitolo ani Taka zai tosIe monis amkam kortolo mhonn ami bhorvanso dhorunk zai.
Jezu Krist Devacho Put ani To amcheam patkam khatir khursar melo oxem mhonn ami fokot amche zanvaienunch manun ghetlear puro mhoi. Nhoi mhonn amkam vonddavonnicho onnubhov meulearuch puro nhoi. Ami bhavartan Kristak manun gheunk zai; ani hi amche khoxechi kornni zaun asteli.

kon3

Tujem jivit khoinchea mandiak lagu zata?
Tujem jivit khoinchea mandalak lagu zalelem tuka zai?
Tujean konn porim Kristak manun gheunk zata tem hea fuddlea borovpant somzonni dilea.


BHAVARTAN MAGNNEM KORUN TUJEAN ATANCH KRISTAK MANUN GHEUNK ZATA
(Magnnem mhonnge Deva-thaim ulovop zaun asa)

Dev tujem kalliz ollkhota, ani To tujim utram pollenam punn To tujea kallzache otreg polleta.

Fuddem asa tem suchoilelem bhavartachem magnnem tujean mhonnum-ieta.

"Dhonia Jezu, Tuji maka goroz. Mhojea jivitachem dar hanv ugoddtam ani Tuka mhozo Soddvonnar ani Dhoni mhonn manun ghetam. Mhojim patkam bhogxilim mhonn Tuje upkar attoitam. Mhojea jivitachi sodri Tum ghe. Tuka zai toslo monis maka kor." Amen.

Hem magnnem tujea kallzache anvdde dakoll korta?
Hoi zalear, atanch hem magnnem kor ani Aple bhasavnne pormonnem Krist tujea jivitant ietolo.


KRIST TUJEA JIVITANT ASA MHONN TUJEAN KOXE-PORIM ZANNA-ZAUNK ZATA?

Tuvem magnem kelem tednam tuvem Kristak tujea jivitant apoilolo? Tor Prokasnni 3:20 hantunt dilele bhasavnne pormonnem Krist hea vellar tuje sombondim khoim asa? Apun tujea jivitant ietolo mhonn kristan bhasailam. Tor To tuke fottoita? (Devan tuiem magnnem aikilem mhonn tuka koxem gomta?) Devan tujea magnneank zabab dilo mhonn tuka koxem gomta? (Khas Dev ani Tachem Utor, Povitr Pustok, Visvaxik dekun; dusream utramnim, Dev Apleo bhasavnneo samballta.)

ZO KONN KRISTAK MANUN GHETA TAKA POVITR PUSTOK SASNNACHEM JIVIT BHASAITA.

"Hi asa ti govaiki: Devan amkam sasnnachem jivit dilam, Ani hem jivit Tachea Puta sovem asa. Jea mon'xa sovem put asa, tea mon'xak Jivit mell'lam: jea mon'xa sovem Put nam, tea mon'xa sovem jivit-ui nam. Tamche sovem sasnnik jivit asa, kiteak tumin Devachea Putacher visvas dovorla; hem tumi zanno zauncheak, itlem hanv tumkam boroitam." (1 Juanv 5: 11-13)

Krist tujea jivitant asa mhonn, ani To tuka kedinch sanddchonam dekun Devak sodanch argam dhi. (Hebrev 13:5). Tuvem Kristak apoilo tech golliek, Tache bhasavnne pormonnem, jivo Krist tujea kallzant riglo mhonn ani tuka sasnnachem jivit meulem mhonn tuka qomtelem. To tuka fottouncho-nam

Vhonddavonn-ache vixim kitem?


VHONDDAVONN-ACHER VISVAS DOVORUNK FAVONAM

Amchi vhonddavonn nhoi, fokot Devachea Utrachi bhasavnni amcho odhikar zaun asa. Kristi monis Devachea visvasponnacher ani Tachea Utracher patieun jieta. Hem ghaddiechem chitr Sotacho, bhavartacho, ani vhonddavonnecho ektar dokoita.
SOT - Dev ani Tachem Utor. BHAVART - Devacher ani Tachea Utracher amchem patiennem. VHONDDAVONN - Amchea bhavartcho ani pall-dinneacho porinam.

kon4

Provaxi-ancho dobo aslearui vo naslearui ghaddi cholta. Provaxianchea dobean ghaddiek vhoddunk tozvit kelear ti vhoddon ieunchinam Tech porim ami Kristanvanim amcheam vhonddavonneancher visvas dovorunk favonam, punn amcho bhavart (patiennem) Devachea visvasponnacher ani Tachea utranche bhasavnnecher ami dovorunk zai.


ATAM JEDNAM TUVEM KRISTAK MANUN GHETLO

Je ghoddiek tum bhavartan Kristak manun gheta, tednam zaitem ghoddta, khala dokoilam tem dhorun:

  1. Tujea jivitant Krist eilo. (Prokasnni 3:20, ani Koloskar 1:27)
  2. Tujim patkam bhogxilim. (koloskar 1:14)
  3. Tum Devacho bhurgo zalo. (Juanv 1:12)
  4. Tuvem ek kherit jivitachi vatt tankunk suru kelem ani heach khatir Devan tuka rochlolo. (Juanv 10:10; 2 Korintkar 5:17; ani 1 Tesalonkar 5:18)

Kristak manun ghetoch jivitant ji ek ojeapanchi ghoddni ghoddta tache poros odik ojeapanchi vost tujean dakhounk zata? Devan tujem jivit boldilem dukun heach vellar magnneam-vorvim Devak argam diunk tuka khoxi asa? 'Devak argam divop' hench kortub monxeacho bhavart dakoita.

Tor atam kitem?


KRISTI JIVITANT VADDONK SUCHOVNNEO

Jezu Kristacher patielearuch Atmik jivit vaddta; "Nitivont monis bhavartan jietolo" (Galatikar 3:11). Bhavartan jielear tujea jivitant dor-eka kortubant odik ani odik Devacher patieun raunk zatelem; ani he porim tujean oxen korunk zatelem:

Voch dispottim Deva-thaim ani magnnem kor (Juanv 15:7).
Aik Devachem Utor dispottim (Dhormdutancho Ithias 17:11) - Juancho grant than suru kor.
Devachem Utor ghollieche-gholliek pall (Juanv 14:21)
Dhi govaiki Krista Khatir tujeam utramnim ani kortubamnim (Matev 4:19 Juanv 15:8)
Akhea tujea jivitant dor-eka kortubant Devacher patie (1 Pedru 5:7)
Itlean tujem dispottem jivit ani govaiki samballunk ani tim soktevont zaunk tum tukach povitr Atmeachea tabeant kor (Galatikar 5:16,17; Dhormdutancho Ithias 1:8)


Kristi jivitant vaddcheak anik ek bhov ghorjeachi vost asa


ADDITIONAL ASSISTANCE