Mundu nunde ku no sta nel, Deus ku kumpul Si no misti kunsi Deus, no ten ku kunsi bardadi ki El propi kontanu na si Palabra ku comadu Biblia.

1. DEUS AMAU, I TEN UN PLANU BON DIMAS PA BU VIDA.

AMOR DI DEUS

"Pabia Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta ten vida ku ka ta kaba." (Jon 3:16)

PLANU DI DEUS

Kristu fala: "Ami N bin pa jinti ten vida; pa e tenel manga del." (un vida sabi, un vida ku ta pui Deus pa l kontentil)
(Jon 10:10)

Ke ku manda manga di jintis ka ta kunsi es vida sabi?

2.OMI I TA FASI PEKADU. I KA PUDI CIGA PERTU DI DEUS. PABIA DI KILA I KA PUDI KUNSI NIN SPURMENTA AMOR KU PLANU KU DEUS TEN PA SI VIDA.

OMI I TA FASI PEKADU

"Pabia tudu jinti peka; e ka yangasa naturesa gloriosu di Deus."
(Romanus 3:23)

Omi i kumpuduba pa i pudi pertu Deus, tambi pa i pudi ten kumu๑on ku el. Ma omi disobdisi Deus, toma rebeldi kontra el. I kuji si propi kami๑u tok i lunjisi di Deus. Asin kumu๑on ku Deus i kebradu. Palabra "pekadu" ker diser kuma: Omi ka sta diritu mas ku Deus.

OMI KA PUDI CIGA PERTU Dl DEUS

"Pabia pagamentu di pekadu i mortu"
(Romanus 6:23)

(Biblia i ta kontanu aserka di dus tipu di mortu: mortu di kurpu ku mortu di alma, Mortu di alma ker diser: no ka pudi kunsi mas Deus. Mas si alma sta mortu pabia di pekadu, kila tambi signifika kuma: Dipus di mortu di kurpu no ten ku bai pa nfernu)

Deus i santu. Omi i ta fasi pekadu.I ten un koba garandi ku ta lunjisiDeus ku omi. Omi sernpri ta misti ciga pertu di Deus. I ta misti yangasa ki vida sabi ku Deus ta da, ma i ta buska-buskal ku si propi forsa. I ta fasi sirmonias sakrifisius, bon obras, i ta rasa na kasa di Deus, Ii ta buska jiresa manga del, etc.

Terseru Bardadi i ta mostranu uniku rasposta pa problema di pekadu di omi ...

3. JESUS KRISTU I UNIKU SOLUSON KU DEUS TEN PA PEKADU DI OMI. PABIA DI KRISTU OMI PUDI KUNSI AMOR KU PLANU KU DEUS TEN PA SI VIDA.

JESUS KRISTU MURI NA NO LUGAR

"Ma Deus danu proba di si amor pa nos, manera ku Kristu muri pa nos ocanu inda na no pekadu."
(Romanus 5:8)

JESUS KRISTU LANTA DI MORTU

"Kristu muri pa no pekadu ... I nteradu; na dia di tris i lantandadu di mortu, suma ku Skritura fala."
(1 Korintius 15:3,4)

JESUS KRISTU I UNIKU KAMIัU

Jesus falal: "Ami i kami๑u, ami i bardadi, ami i vida. Si algin misti bin pa ๑a Pape, i ten ku pasa purmeru na mi."
(Jon 14:6)

Deus fasi kambansa riba di ki koba ku lunjisinuba del.I manda si Fiju, Jesus Kristu, pa i muri na krus. Jesus darma si sangi na no luger.

Nin si no kunsi ki tris bardadi i ka justa inda..

4. I PIRSIS PA NO RISIBI JESUS KRISTU SUMA NO SALBADUR I SIัOR. ANOS PROPI NO TEN KU KUMBIDAL. I KA TEN UTRU MANERA PA NO PUDI KUNSI DEUS NIN PA NO PUDI SPURMENTA AMOR KU PLANU KU DEUS TEN PA NO VIDA.

I PIRSIS PA NO RISIBI KRISTU "Ma tudu jinti ku setal, kilis ku fia na si nomi, I da elis diritu di sedu fiju di Deus." (Jon 1:12)

NO RISIBI KRISTU PA FE "I pabia di sil fabur ku bo sedu saibu, na bo fe Es I ka bin di bos; I kusa ku Deus pati. I ka rusultadu di bo propi sforsu, pa ka ningin ten manera di njata." (Efesius 2:8.9) 

NO PUDI RISIBI KRISTU NA NO VIDA SI NO KUMBIDAL  PA I YENTRA

Knistu fala: "Ali N sta na porta, N na bati. Si algin obi ๑a faia, i yabrt porta, N na yentra na si kasa."
(Apokalipse 3:20) Risibi Kristu ker diser pa no kumbidal pa i pudi yentra na no vida, pa i pudi purda no pekadu.

Es due sirkulu i ta mostranu dus tipu di vida:

V1DA NUNDE KU "AMI" SEDU SEF A= "Ami" ku sta na tronu di vida = Kristu sta fora = Atividadis na no vida ku ka sta diritu dianti di Deus.

VIDA NUNDE KU KRISTU SEDU SI = Kristu sta na tro di vida A= "Ami" ria na tronu = Atividadis na no vida e sta ja bas mon di Kristu ku toma konta delis diritu.

Kal un des sirkulus ku ta mostra bu vida propi?
Kal sirkulu ku bu misti pa i sedu bu vida?

N misti splikau kuma ku bu pudi risibi Kristu.

BU PUDI RISIBI KRISTU GOSI KU ORASON
(Palabra "Orason" signifika: papia ku Deus!)

Deus kunsi bu korson. El i ta mas jubi pensamentus ku bu ten dentru di bu korson di ki palabras ku bu na papia. Ali un orason ku pudi sirbiu suma isemplu kuma ku bu pudi papia ku Jesus:

"Si๑or Jesus, N na pirsisa di bo.N na yabri porta di ๑a vida pa bo.N na risibiu suma ๑a Salbadur i Si๑or.Toma konta di ๑a vida.N na faiau obrigadu manera ku bu purdan ๑a pekadu.Obrigadu manera kw bu setan suma ku N sedu".

Asin ku by misti ora tambi?Si bu vontadi sedu asin, bu pudi papia ku Jesus gosi. Ku sertesa i na yentra na
bu vida konformi si purmesa ki danu na Biblia.

KUMA KU N PUDI SIBI KUMA KRISTU STA NA ัA VIDA?

Bu risibi ja Krlstu na bu korson? Nta, si bu jubi na ki purmesa di Apokalipsi 3:20, nunde ku Kristu sta gosi? Kristu fala kuma i na yentra na bu vida, si bu pidil.
I pudi falau mintida?
Kuma ku bu pudi sibi kuma Deus ruspundi bu orason? (Pabia i sta skritu na Palabra di Deus ku ta danu proba di si fidelidadil)

"Es i ki tustumu๑u, kuma Deus danu vida ku ka ta kaba; e vida sta na si Fiju. Kin ku tene Fiju I tene vida. Kin ku ka tene Fiji di Deus i ka tene vida. N na skirbi es kusas pa bos ku fia na nomi di Fiju di Deus, pa bo sibi kuma bo tene vida ku ka ta kaba."
(1 Jon 5:11-13)

Ma si no ka sinti Kristu dentru di nos?

NO DIBI Dl FIA MAS NA PALABRA DI DEUS DI KI NA KIL KU NO SINTI

Otridadi ku no fia nel i sedu purmesa di Palabra di Deus. No ta fia mas na palabra di Deus di ki na kil ku no ta sinti. Fiansa ku no ten na Deus, Biblia ta comal "Fe".

Na figura no pudi oja un trator ku dus kareta. Es i pudi mostranu kuma ki tris kusa Palabra, Fe ku Kil ku no sinti e ta liga ku nutru.

Trator i Palabra di Deus, kareta mas pertu di trator i Fe. Kareta ku ta yanda tras delis I Kil ku no sinti.

Trator son ku tene forsa pa leba tudu pa dianti. Karete ka pudi pinca trator.  Asin nin no Fe nin kil ku no sinti ka pudi leba no vida pa dianti. Fe ten ku pega na Palabra di Deus; kil ku no sinti ta pega se tras. Toma sintidu pa bu ka pui kil ku bu sinti na frente di bu vida. Si bu fasil, bu vida spiritual na frakisi. Si bu pui Palabra di Deus dianti di bu vida, bu na sinti forsa di Deus ku ta lebau pa dianti.

KE KU TA KONTISI SI NO RISIBI KRISTU?

1. Kristu na yentra na bu vida (Apokalipsi 3:20; Kolosensis 1:27).
2. Bu pekadu i tudu purdadu (Kolosensis 1:14).
3. Bu toma un fiju di Deus (Jon 1:12).
4. Bu na kumsa vivi ki nobu vida ku Deus purpara pa bo (Jon 10:10; 2 Korintius 5:17; 1 Tesalonisensis 5:18).

Bu pudi imazina kusa mas bonitu na bu vida di ki risibi Kristu?
Bu misti fala Deus obrigadu gosi na orason, manera ki dau es nobu vida suma fiju di Deus?
Si no fala Deus obrigadu, no ta mostral fiansa ku no ten nel.

KUMA KU NO PUDI KIRSI NA NO V1DA SPIRITUAL?

Ramu di po i ta kirsi son ora ki sta ligadu ku si pe. Asin no kirsimentu spiritual i un rusultadu di no ligason ku Jesus Kristu (Jon 15:1-5). Si no fia na Jesus, no tene si vida dentru di nos. Suma Biblia fala: "Kil ku sedu justu pabia di si fe i ta viv" (Galatas 3:11). Vida na fe ker diser pa no ntrega tudu parti di no vida na mon di Deus pa El i pudi toma konta di nos. Ne figura no pudi oja kusas mas importanti pa no kirsimentu spiritual:

I PIRSIS PA BU TENE UN BON IGREZA 

Si brasa sta na fugon i pudi yardi sempi. Mas si bu tiral na metadi di utru brasas i ta lestu di paga.

Vida di un krenti i parsidu ku ki brasa. I ta pirsisa sempri di kumu๑on ku utru krentis pa i pudi fika firmi na fe. Juntamentu di tudu krentis na kau, no ta comal "Igreza". Igreza i ka un kasa di pedras ma i un juntamentu di omis ku ta fia na Jesus. Biblia ta coma elis "pedras bibu" (1 Pedru 2:5).
Si bu ka sedu inda membru di un Igreza di Kristu ka bu pera mas. Buska Igreza Ivanjeliku mas pertu di bu kau. Mati sempri kultus di ki Igreza. Partisipa na se atividadis. Kumsa na prosimu Domingu.