Mitei ng'atutik che bo emet che ribei ng'onyut ne kimenye. Mitei kora ng'atutik che bo sobet che ribei tilianding'ung' ak Jehovah.

1. NG'ATUTIET NE TAI

CHAMIN JEHOVAH AK KOTINYE TETUTIET NE BO KWONG'ET AGOBO SOBENG'UNG'.

CHAMBYETAB JEHOVAH
"Amu kicham Jehovah ng'ony mising, kot kogoito werinnyi ne kigii inegei, si malus age tugul ne iyani inendet, ago si konyor sobondab koigeny." (Johana 3:16)

TETUTIETAB JEHOVAH
(Ng'alali Kristo) "Kianyo si kobiit konyor sobondo, ak kotepto sobonato inne." (Johana 10:10)

Tomo konyor bik tugul naet agobo sobonito, amu...

2. NG'ATUTIET NE BO AENG'

KIPTENGEKYOT CHITO AK KIGOBESIO AK JEHOVAH, KOU NOTO KO MAIMUCHI KONAI AK KONYOR CHAMNYETAB JEHOVAH AK TETUTIET NE BO SOBENNYI.

KIPTENGEKYOT CHITO

"Amu kigoyai tugui tengek, ama ityin torornatetab Jehovah" (Romanik 3:23)

Kigiyai chito si koek choronok ak Jehovah. Ago kilewen kosub orennyi ak kibutok choruandinnyi ak Jehovah. Nito ne kuure bukuit ne tilil tengekto. Kiboru nito eng' (1) ye kingongelelji chito Jehovah ak (2) ye ma mage kiy Jehovah ak (3) ye me imuch kosob kot koityi oretab Jehovah ne igesunotgei.

KIKOBESIO CHITO AK JEHOVAH

"Amu melektab tengek ko meet" (kabesiet ne bo sobet ak Jehovah Romanik 6:23).

kal1

Tilil Jehovah, ko kiptengekyet chito. Mi kabesiet ne o eng' tuwai. Iboru kipchabonik tiemetab chito koityi Jehovah ak sobet ne nyitat eng' kimnatennyi: kosob sobet ne rnie, koyai ne bo imanda, kotoret alak, ak aiak, ago kiek buch kimnatennyi amu maityi Jehovah.

Ng'atutiet ne bo somok kogonech wolutiet ne bo iman agobo kaimutyonito...

3. NG'ATUTIET NE BO SOMOK

JESU KRISTO INEGEI KO ORET NE IITE CHI OLE Ml JEHOVAH, KIME AGOBO ACHEK. ENG' INENDET INOE JEHOVAH AK INYORU CHAMNYENNYI AK TETUTUIET AGOBO SOBENG' UNG'.

KIME AK KING'EET KOMONG' ENG' CHE KIBEK

  1. "Amu kime Kristo agine Konyil agenge agobo tengekwogik, inendet ne bo imanda agobo che ma bo imanda, si kobiit komutiech Jehovah..." (1 Petero 3:18)
  2. Icheget che Kiiborjigei Kosobei ye Kingobata nyalildanyi, eng' kaborunoik che chang', kongang'jigei ichek eng' betusiek artam, ak kong'alalJi ichek agobo tuguk che bo bounatetab Jehovah. (Boisionik 1:3)

INENDET INEGEI KO ORET

"Kolenji Jesu, A oret, ak iman, ak sobondo: Manyonjin chi kwanda ama engi ane." (Johana 14:6)

kal2

Kiteech Jehovah etiet enq' kwenunnyo achek ak Inendet, ye kingoyok werinnyi Jesu Kristo, konyo kome eng' kimurtoiyot agobo achek.

Mayamei kenai ng'atutichu somok kityo....

4. NG'ATUTIET NE BO ANG'WAN

NYOLJIN CHI TUGUL KOTAACH JESU KRISTO KOEK YETINDET AK KIPTAIYAT: Sl KIMUCH KENAI AK KENYORU CHAMYETAB JEHOVAH AK TETUTIENNYI AGOBO SOBONWEKYOK.

NYOLJINECH KETAACH KRISTO ENG' KAYANET
Johana 1:12 "Ago tugul che kitaach Inendet, ko kiigochi kamuget koek lagokab Jehovah "

Epesoek 2:8,9 "Amu kigesoruok eng' meindo eng' kayanet; ago mabunwok nito: konunetab Jehovah; ama bo boisionik si mailosgei chi."

KlTAACHE KRISTO YE KAGIGOCH1 INENDET BOROlNDO KONYO SOBONWEKYOK


(Ng'alali Kristo) "Keero, atononi eng' kurgat ak agongonyi: ngo kas chi kutinnyu ak koyat kurget. awendi ole mi inendet ..." (Ng'ang'utiet 3:20)
Mayamei kiyan konetisietab Kristo kityo. Ketaach Kristo ko keesiogei ak keweekyigei Jehovah (nito ko sigunet). Kimang'u Kristo konyo sobonwekyok ak konyoiywech kaat tengekwogikyok, kebagakyin inendet kowaiech ak koyaech ko kou ye machei.

CHITO NE BOUGEI

Bougei chito eng'ng'echeret

Mi sang' Kristo eng' sobondanyi.
kal3

CHITO NE BOU KRISTO

Bounisiei, Kristo eng'ng'echeret

Mitei taban chito eng'ng'echeret.

 

Biringoit ngoro eng'chuto tuwai ne kergei ak sobeng'ung'?

Ainon ne imache kokergeit ak soben'ung'?

Che isubi koboru ole imuchi itaakte Kristo...

IMUCHI ITAACH KRISTO NGUNO

Som Inendet konyo sobondang'ung'. Imang'u Inendet koyai kou ye kigoyomis. Machei Inendet mising'kit ne ketil eng' muguleldang'ung' kosiir ng'alek che imwae. Imuchi isaa kou ni:


"Kiptiyat Jesu, amakyininge. Kiabou sobondanyu ak kiayaun tengekto. Nyolywankaat tengekwogikyuk tugul. Kongoi amu kainyoiywo kaat tengekwogikyuk. Nyo sobondanyu ak ibou sobondanyu komugul. Yaa aek chito ne imache aek." Amen.

Tos iboru saoni magetab muguleldang'ung'?
Ngot kou noto, isaa saonita nguno, ak nyonei Kristo sobondang'ung' kou ye kigoyomis.

OLEINAITOI ILE MlTEI KRISTO SOBONDANG'UNG'

Tos ketaach Jesu Kristo konyo sobondang'ung? 

Kosupgei ak kayomisutiennyi eng' Ng'ang'utiet 3:20, ko miano Kristo nguno?

Kimwa Kristo kole nyone sobondang'ung. Tos imuchi komwaun lembech? Inaitoi ano ile kagowol Jehovah saeng'ung'? (Amu imang'u Jehovah ak Ng'olyondennyi)

IARORU BUKUIT NE TILIL SOBONDAB KOIGENY ENG' ICHEK TUGUL CHE TAACHEI KRISTO.

"Kigonech Jehovah sobondab koigeny, ak mi sobonito Werinnyi. Inendet ne tinyei werit kotinyei sobondo: inendet ne matinyei weritab Jehovah ko matinyei sobondo. Kaasirwak tuguchu, si koblit onai ole otinye sobondab koigeny, okwek che oyani kainetab weritab Jehovah." (I Johana 5:11-13)

Mwachi Jehovah kongoi kotugul amu mi Kristo sobondang'ung'. Kimwa Inendet kole magoi abagakten, magoi ameten (Hebranik 13:5) Imuchi inai ile meng'isie Kristo eng'inye ak itinye sobondab koigeny amu kayomisutiennyi.

TOS KEGAS YE GANGONYONE KRISTO SOBONDANG'UNG'?

MAT ITIEGE KASETABGEI

Sobei Kristianindet koyani Jehovah ak Ng'alekyik che mwaei Inendet eng' Bukuit ne Tilil.

Kayomisutietab ng'olyotab Jehovah ko kimnatennyo.

Pichaitab karit koboru ole boisioitoi kibagenge imanit, Kayanet ak kasetabgei eng'sobetab Kristianindet.

kal4
  1. Imanit kotinyei kimnatet kondoiywech.
  2. Kigituiyech eng' kimnatetab imanit eng' kayanet.
  3. Ye kigase it imanit, kosubwech kasetabgei eng' oret ne mie.
  4. Kimang'u Jehovah ak imaninnyi ma "ole kigastoi"

NGUNO ANYUN YE KAITAACH KRISTO.

Ye kangetaach Kristo ko chang' tuguk che kagoyaak.

  1. Kagonyo Kristo sobondang'ung' (ng'ang'utiet 3:20 ak Kolosaik 1:27)
  2. Kagenyoun kaat tengekwogikuk. (Kolosaik 1:14)
  3. Kaiiegu lakwetab Jehovah. (Johana 1:12)
  4. Itau inae tetutiet ak magetab Jehovah agobo sobeng'ung'. (Johana 10:10 ak 2 Korintoek 5:14,15,17)

Tos imuchi ibwat kiy age ne kaigai ne imuchi koyaak eng' inye, kosiir itaach Kristo?

Tos ichame imwachi kongoi Jehovah eng' saet nguno amu kit ne kagoyaun? Imwachi kongoi Jehovah koboru kayaneng'ung'. Ongesaa.

NEE KIT AGE NGUNO?

OLE KINERTOI ENG' SOBET NE BO TAMIRMIRIET

kal5

Kou lakwet ne ming'in konyolu iner:

  1. Ui taitab Jehovah eng' saet kotugul. (Johana 15:7)
  2. Soman Ng'olyotab Jehovah kotugul (Boisionik 17:11) Taune bukuitab arorutietab Johana.
  3. Kas it Jehovah kotugul. (Johana 14:21)
  4. Baorian Kristo eng' sobeng'ung' ak eng' ng'aleguk. (Matayo 4:19 ak Johana 15:8)
  5. Imang'u Jehovah eng' kebeberta sge tugul ne bo sobeng'ung'. (1 Petero 5:7)
  6. Igochi Jehovah koboi ak kogimit sobeng'ung' ak baornateng'ung ne bo kotugul. (Galatiek 5:16,17 ak Boisionik 1:8)

BO KAMANUT KANISET

Ye inde kwenik kibagenge, kolaldos komie. Iste kwendet agenge ak inde ng'ony ole kaitit tau komisaksei. Kou noto, ko uui mising' eng' inye isob ko i Kristianin inyegei. Bo kamanut otuiyegei ak bik alak che kigotaach Jesu Kristo koek Kiptaiyandennywa ak Yetindennywa Nyolu iwe kanisa ole iyani bik kole Bukuit ne Tilil ko bo Iman ak ole kigasei it Jesu Kristo. (Hebranik 10:25)

ADDITIONAL ASSISTANCE