Kaliho kamalaka kamasalilanwa kakamiia limala sibala nisio khumenyilemo. Lundi kamalaka ke si Wele Kalumilisia busaangi bwowo ne Wele.


1. LILAKA LINYOA

WELE AKHUSIIMA LUNDI AHAANA LIREKEKHA LIE LIHUUKA KHULWA BULAMU BWOWO.

BUSIME BWA WELE

"Sikila Wele asiima sibaia mala ahaana Omwana wewe omuteelwa, yeesi yeesi osuubila mu nlye akhatiba ta, nekakhali abe ne bulamu bwa mindali na mindali." (Yohana 3:16)

LIREKEKHA LIA WELE

(Yesu alomaloma) "Necha ndi babe ne bulamu, mala babe nabwo bukali." (Yohana 10:10)

Sebali babandu basi bali ne limanya mu bulamu bukali ta, sikila...


2. LILAKA LIA KHABILI

OMUNDU ALI OMWONI LUNDI WAYAHUKHASIBWA KHUKHWAMA KHU WELE, KHWAKO SANYALA WAMANYA LUNDI WAKHOLA BUSIIMI BWA WELE NE LIREKEKHA LIEWE KHULWA BULAMU BWEWE TAWE.

OMUNDU OMWONI

Sikila boosi bayonaka lundi babombelelwa ne lukoosi lwa Wele. (Barumi 3:23)
Omundu apang'anwa khuba omusaale owa Wele. Ne arobola khuchia khu bwewe ne busaale bwewe ne Wele bwatikulukha. Elino nilio Elomo eya Wele elaanga eli bubwoni.
Lino liekesia (1) nga omundu naminyalila Wele (2) nga nalekelesia Wele, lundi (3) nga nakhamenya wolela sikelo sisichutu sia Wele tawe.

Sikila kumuruungo kwe bubwoni kuli lifwa. (liliahukhana lie si moyo khukhwama khu Wele) (Barumi 6:23)

bukusu1

Wele omulungi ne omundu omwoni. Buliho bubwahukhani bukali akarikari wabwe. Buhembe bwekesia nga omundu nakhaka khukhwolela Wele ne bulamu bukali khu maani kewe: Khumenya limenya lilayi, khuba omwisaayi, khuyeeta babandu babandi nekakaandi, ne kamaani kee koosi kakhilwa.

Lilaka lia khataru likhuwelesia likobosia lilala iiong'ene khu butinyu buno...


3. LILAKA LIA KHATARU

YESU KRISTO NIYE OLI ENGILA YONG'ENE NIYO OMUNDU ABIRIRAKHO NIO WOLELA WELE. AKHUFWIILA. ONYALA WAMANYA WELE KHUBIRIRA MU NIYE NE KHUMANYA BUSIIMI BWEWE NE NDEKEKHO KHULWE BULAMU BWOWO.

AFWA MALA WALAMUKHA KHUKHWAMA MU BAFU

Sikila Kristo omwene afwa khulwe bubwoni lulala khu banau boosi, omulungi kafwila bakhali balungi ta, nio akhurere efwe fweesi khu Wele... (1 Petero 3:19)

Mundaalo kamakhumi kane enyuma we lifwa lia Yesu, niye abonekhela babandu bakali mu bise bikali, mu ngila chichokesia chili mu bung'ali mbo Yesu kaba namalile khulamukha khu khwaama mu bafu; Bamubona, mala alomaloma nenabo alubeka we bubwami bwa Wele. (Bikholwa 1:3)

YESU NIYE ENGILA YONG'ENE

Yesu amubolela ali, "Ese ndi engila, bung'ali ne bulamu; se aliho owicha khu paapa ne akhabirire khwise tawe." (Yohana 14:6)

bukusu2

Omundu khumaani kewe yeng ene, se anyala kbuba ne busanganilo ne Wele Tawe. Wele aruma Yesu afwe khu musalaba sikila bubwoni bwefwe ne lundi nive abe bulalo akari wefwe ne Wele nio akhuambasie efwe ne Wele.

Lilaka lia khane lila khubolela nga khuli nonyala khumanya Wele mu bulamu bwowo....


4.LILAKA LIA KHANE

BULI MULALA KHWIFWE AKWANIBWA KHU FUKILILA YESU ABE OMUHONIA LUNDI OMWAMI WEWE. ENYUMA WAKO, NONO KHUNYALA KHUMANYA NE KHUULILA BUSIIME BWA WELE NE LIPANGANA LIE BULAMU BWEFWE.

KHUKWANIRWA KHUFUKILILA KRISTO MWISUBILA
Khwa abo boosi babafukilila Yesu, baba subila mwisina liewe, kabahelesia bunyali bwe khuba babana ba Wele. (Yohana 1:12)

Sikila sie kumwalalo kwa Wele, waonisibwa mwisubila mala lino seliama khwiwe ta; esino sili sihanwa sia Wele - sesili sikila sie biikholwa ta omundu akhakhola ario wefumia tawe. (Baefeso 2:8,9)

KHUFUKILILA KRISTO NIKHWO KHUMWIKULILAO KIMILIANGO KIE BULAMU BWEFWE ECHE KHUMENYA MU BULAMU BWEFWE
(Kristo niye oloma yino) "Lola, nemile khumuliango ndikho khong'onda; omundu yeesi yeesii ohulila kumulango kwase maia wekulao, Ndenglia mu niye." (Lifunula 3:20)

Khufukilila Yesu Khuii

  1. Khumanya oli ewe omwoni mala weyame bubwoni bwowo khu Wele nekhu bufutarira.
  2. Yeikina Wele khukhu beela bubwoni bwowo bwoosi.
  3. Khufkilila Yesu amiie bulamu bwowo mwisubira, nio omale khuba nga niye ne Kenya.

bukusu3

Eku, sifwani sina khu bifwani ebino sisiokesia bulamu bwowo?
Eku, sifwani sina khu bifwani ebino niso ewe wenya siokesie bulamu bwowo?

Kamakhuwa kalondakho, kakhwinoosela nga nilwo onyala khufukilila Yesu mu bulamu bwowo:


ONYALA KHU FUKILILA KRISTO MU SISE SINO

Wele amanyile khuli nga liba liowo nelili. Kamakhuwa kalondakho kano mulisaba liowo mu sise esino kanyala kakhuyeta khufukilila Kristo ne kaba bali ola saba ne kumoyo kwa ng'ali.

Omwami yesu Kristo, ese nakhililwe lukali, kano kakila ne nikomba khu khwolela. Ese ndi omwooni. Fukilila ndi ese samwene namiia bulamu bwange, ne khukhweyaula khukhwama khwiwe. Nasiima nga ne wafwa khu musalaba sikila bubwooni bwange. Niyama ndi ese ndi omwooni ebweni wowo. Yesu mbele mala wingile mu bulamu bwange mu sise esino mala obe omwami we bulamu bwange. Ngalukhasie mbe sibumbe siowo sinyaia, sia kbusiimisia. Nasiima nga nilwo umbelele ne khukhwicha mu bulamu bwange. Amina

Eku, lisaba elino lilondekhana khuli nga ewe wamwene ne wenyile?
Saba mu sise esino mala ofukilile Kristo keche mu bulamu bwowo.


KHULI NGA NILWO ONYALA KHU MANYA OLI KRISTO ALIMU BULAMU BWOWO

Eku, se wama khufukilila Kristo eche Mu bulamu bwowo? Omanya orie ne kechile? Nono Kristo ali waena? Khebulila (Lifunuia 3:20)

Yesu aloma ali anyala Khu khwicha mu bulamu bwowo, Eku, akano sekali kang'ali?

Eku, omanya oliena oli Wele aulile lisaba liowo? Wele akhusubisia aliliosi liosi nilio khusaba khu niye mwisubila ala khukholela.

EVANGELI ELAKILISIA BULAMU BWA MINDALI KHU BOOSI TAFUKILILA KRISTO

"Liboola nilio lino: Wele akhuhelesia etwe bulamu bwe bumelela, mala bulamu buno bwakukha mu Mwana wewe. Omundu yeesi yeesi oli ne omwana ali ne bulamu buno, yeesi yeesi okhali na omwana wa Wele saline bulamu tawe. Ese ndikho mbandika kano khwinywe nio mwole khumanya muli, muli ne bulamu bwe bumelela, enywe mu subila mu mwana wa Wele." (I Yohana 5:11)

Siima Wele njilili sikila Yesu amenyile mu bulamu bwowo. Subila oli Yesu se alikhulekha tawe. Matayo 28:20 Amalile khukhuwa bulamu bwe bumelela. (Heb. 13:5)


OKHEYIKINA KAMEBASIO KOWO TAWE

Onyala khuba ne busangafu luno ne mukamba obe ne bubeleli. Mungila yoosi yoosi niyo olehulilamo, bubele busangafu bubele bubeleli, Yesu Kristo se ali kalukhana mu bulamu bwowo tawe.

bukusu4

  • Bung'ali bwa Wele nibwo buuli ne bunyali bwe khu khurangilila.
  • Khuambanisibwa ne bunyali bwe bung'ali mwisuubila.
  • Nekhulonda bung'ali, khukhwehulila khwe kamebasio (Lisuubila) khuranaililwa bulayi.
  • Khweyikina Wele ne Bungali bwewe, se khuli khukhweliulila khwe kamebasio (liba lie Kumwoyo) tawe.

Khulwa ako okheyikina kamebasio kowo (liba lie kumwoyo) ta, ne kakhali, yeyikina bung'ali bwe Elomo eya Wele.


SIKILA WAMALILE KHU FUKILILA YESU

Khu khwama nga ne watukilila Yesu Kristo, bibindu bikali mu limenya liowo biamala nebikalukhana.

  1. Yesu amala ne echa mu bulamu bwowo (Lifunula 3:20)
  2. Wabelwa bubwooni bwono bwoosi (Bakolosai 1:14)
  3. Wamala nokholeha khuba omwana owa Wele (Yohana 1:12)
  4. Ola chililila khumanya lilienya lia Wele mubulambu bwowo (II Bakorinjo 5:14,15,17)

Eku, silikhoho sikholwa silayi sikhila khufukilila Yesu engile mu bulamu bwowo?

Khusiime Khwefwe mu ngila eye lisaba khwokesia khuli, khuli ne lisuubila mu Wele.
Nono khusabe.

Sina lundi?


NGA NILWO ONYALA KHUKHULA MU MUROHO

Bulayi bwene nga omwana omutoro, okwanibwa khukhula. Ola chililila bulayi mu limenya lie mu muroho nekaba bali olalonda kamakambilo kalondakho bull njilili.

bukusu5

  1. Kachula nga ne Wele mwisaba. (Yohana 15:7)
  2. Soma Elomo eye Wele. (Bikholwa 17:11)
  3. Obe omusuubilwa ebweni wa Wele. (Yohana 14:21)
  4. Bolela babandi Khulwa Kristo mu bikholwa bwowo ne liloma liowo. (Matayo 4:19 ne Yohana 15:8)
  5. Yeyikina Wele buli mu sindu mu bulamu bwowo. (1 Petero 5 7)
  6. Elesia Roho Omutakatifu bubwangu akhwamiie. (Bagalatia 5:16-18 ne Bikholwa 1:8)

LILI LIE BUKHALA KHU BAKRISTO KHUBA NE BUSANGANILO

Elomo eya Wele ekhubolela eli mwiche halala (Mwisanga). (Baebrania 10:25)

Lekha khurumikhile sifwani sie kumulilo. Nora chikhu chingali halala chinyala chaburukha bulayi lukali, mala ne obukula lukhu lulala walura alubeka ne lusima.

Akhaba ewe weesi, sebuli bulayi khumenya limenya lie si Kristo weng'ene tawe.

Sanga mu kanisa nimwo babandu basuubila Elomo eya Wele bali buli bung'ali lundi bafumia Yesu.


 

ADDITIONAL ASSISTANCE